عمران خان نوں تحریک دی کامیابی دے بعد شادی دا مشورہ دِتا: شیخ رشید

اسلام آباد (پاکستان پوائنٹ نیوز17۔اگست 2016ء) عوامی مسلم لیگ دے سربراہ شیخ رشید نے آکھیا اے کہ عمران خان جدوں وی تحریک لئی نکلدے نیں یاں تے اوہناں دا پیر تِلک جاندا اے یاں فیر شادی دا تڑکا لگ جاندا اے، پچھلے دیہاڑے ای میں اوہناں نوں تحریک دی کامیابی دے بعد شادی دا مشورہ دِتا اے۔ اک نجی ٹی وی نال گل بات کرد ے ہوئے شیخ رشید نے آکھیا کہ وزیر فیملیاں سنے باہرلے ملک جا رہے نیں، 2016 حکومتی دی روانگی دا سال اے، 30 دن دے اندر سارے فیصلے ہو جان گے۔ شیخ رشید نے آکھیا کہ 13 اگست نوں ریلی نوں جھیڑوا بنایا گیا، میں نیم الحق نوں پی ٹی آئی دی ریلی 14 اگست نوں کڈھن دا مشورہ دِتا سی جدکہ کُجھ لوکاں نے کم کر وکھایا۔ اوہناں دا کہنا سی کہ عمران خان شریف بندے نیں۔