لاہور دھماکا: پاک فوج تے رینجرز دے دستیاں علاقے دا کنٹرول سنبھال لیا

لاہور(پاکستان پوائنٹ نیوز24جولائی 2017ء) لاہور وچ ارفع کریم ٹاور نیڑے دھماکا ہویا۔ تفصیل مطابق دھماکے دے نتیجے وچ 19بندے ہلاک جدکہ 30توں ودھ زخمی ہوئے۔ موتاں وچ وادھے دا خدشا اے۔ عینی شاہداں مطابق دھماکا اک گڈی اندر ہویا۔ مقامی ایس ایچ او نے نجی ٹی وی چینل نال گل بات کردے ہوئے دسیا کہ دھماکا آپ مارو سی جہدے وچ پولیس نوں ٹارگٹ کیتا گیا۔ دھماکے و چ ہلاک ہون والیاں وچ اے ایس آئی تے اک انسپکٹر سنے چار پولیس اہلکار وی شامل نیں۔ دھماکے مگروں پاک فوج تے رینجرز دے دستیاں نے علاقے دا کنٹرول سنبھال لیا ۔ دوجے پاسے دھماکے مگروں شہر بھر و چ سکیورٹی الرٹ کر کے حساس تھاواں تے پولیس دی نفری ودھا دتی گئی اے۔