اسلام آباد(پاکستان پوائنٹ نیوز24جولائی 2017ء) وفاقی وزیر داخلا چودھری نثار علی خان نے آکھیا اے کہ اج پریس کانفرنس دوران جہڑے ایشو تے گل کرنی سی اوہنوں رد نہیں بلکہ ملتوی کر رہیا واں، میرے نیڑے میری پریس کانفرنس بہت اہم نہیں، دھماکے دی نندیا کرنیا واں، ایس ویلے میریاں ساریاں ہمدردھماکے وچ زخمی تے ہلاک ہون والیاں دے وارثاں نال نیں۔ اوہناں نے اج پنجاب ہاؤس وچ میڈیا نال گل بات کردے ہوئے آکھیا کہ کِجھ دن بڑے کرب وچ لنگھے نیں۔
اج فیر میری صحت ٹھیک نہیں اے پر میں آکھیا کہ ایس معاملے نوں ہن ختم کر دیواں۔ دھماکے دے حوالے نال گل بات کردے ہوئے اوہناں دا کہنا سی کہ اجے ایہ طے نہیں ہویا کہ کِنے لوک ہلاک تے زخمی ہوئے نیں۔ اک وی انسانی جان دا چلے جانا دکھ دی گل اے پر رپورٹ اے کہ دھماکے و چ بہتے پولیس والے ہلاک ہوئے۔ اوہناں نے آکھیا کہ اجے تیکر جو پورٹس ملیاں اوہدے توں اندازا نہیں لایا جا سکدا کہ ایہ دہشت گردی دا وقعہ سی یاں کوئی ہور حادثہ۔
