اسلام آباد(پاکستان پوائنٹ نیوز21۔جولائی 2017ء) پاناما کیس دا فیصلا سپریم کورٹ دا 3دی بجائے 5رکنی بنچ کرے گا۔ تفصیل مطابق سپریم کورٹ دے اُچیچے بنچ ولوں پاناما کیس دا فیصلا محفوظ کر لیا گیا اے۔ ایس حوالے نال بحث جاری اے کہ کیہ پاناما کیس دا فیصلا سپریم کورٹ دا تن رکنی بنچ کرے گے یاں پنج رکنی؟ ایس حوالے نال پاکستان تحریک انصاف دے ترجمان و مشہور قانون دان فواد چودھری دا کہنا اے کہ پاناما کیس دا فیصلا سپریم کورٹ دا تن دی بجائے پنج رکنی بنچ کرے گا۔
کیونکہ ایس کیس دی سنوائی لئی سپریم کورٹ ولوں بنایا گیا اصل بنچ 5ججاں تے مشتمل سی۔ ایس لئی کیس دا حتمی فیصلا ہن 5رکنی بنچ ولوں دتا جائے گا۔ چیتے رہوے کہ پنج رکنی بنچ دے دو جج پہلے ای وزیر اعظم نوں نااہل قرار دے چکے نیں ہن جے باقی تن ججاں وچوں اک وی جج نے وزیر اعظم خلاف فیصلا دے دتا تے فیر وزیر اعظم نااہل ہو جان گے۔
