اسلام آباد(پاکستان پوائنٹ نیوز21۔جولائی 2017ء) پاکستان پیپلز پارٹی دی رہنما شیری رحمان نے آکھیا اے کہ جو کٹھ پتلیاں ہلا رہیا اے، کُھل کے ساہمنے بولو، وزیراعظم ملک دے ہر ادارے نوں جھیڑوا بنا رہے نیں، وزیر اعظم نوں جمہوریت دی خاطر استعفا دے دینا چاہیدا۔ جمعے نوں سپریم کورٹ باہر میڈیا نال گل بات کردے ہوئے شیری رحمان نے آکھیا کہ پچھلے دیہاڑے وزیر اعظم دی تقریر نے پورے مسئلے نوں ہور اوکھا کر دتا اے۔
احتساب نوں استحصال آکھ رہے نیں تے سپریم کورٹ اُتے سوال چُکے جا رہے نیں۔ اوہناں نے آکھیا کہ وزیر اعظم آکھدے نیں کہ ایس احتساب نوں نہیں مندے۔ وزیر اعظم نے ایس احتساب نوں استحصال قرار دتا اے۔ نواز شریف نے اپنی ذات لئی پورے ملک نوں یرغمال بنایا ہویا اے۔ اوہناں دا کہنا سی کہ پاکستان دا ہر ادارا مفلوج ہو گیا اے۔ شیری رحمان دا کہنا سی کہ وزیر اعظم نوں جمہوریت دی خاطر استعفا دے دینا چاہیدا۔
