اسلام آباد (پاکستان پوائنٹ نیوز16۔اگست 2016ء) وزیر مملکت برائے پٹرولیم و قدرتی وسائل جام کمال نے آکھیا اے کہ وزیر اعظم خلاف دائر کیتے گئے پی ٹی آئی ولوں ریفرنس وچ نہ وزن اے نہ حقیقت ، پی ٹی آئی سیاسی مہم چلا رہی اے، پاناما لیکس نوں ویلے دے نال نا زندہ رکھن لئی مختلف حربے ورتے جا رہے نیں۔ اوہ منگل نوں پارلیمنٹ ہاؤس دے باہر پرچا کاراں نال گل بات کر رہے سن۔
وفاقی وزیر نے آکھیا کہ پچھلے کُجھ دناں توں مقبوضہ کشمیر وچ ہون والے بھارتی ظلماں نوں اقوام متحدہ تے عالمی برادری وچ محسوس کیتا گیا جہدے نتیجے وچ بھارت ہُن پاکستان خلاف بلوچستان تے گلگت بلتستان دے حوالے نال بیان دے رہیا اے تاں جے پاکستان عالمی سطح اُتے کشمیر مسئلے نوں نہ چُکے۔ اوہناں دا کہنا سی کہ بلوچستان دے عوام نے 14 اگست نوں بھرپو جوش تے جذبے نال آزادی دیہاڑ منایا، بلوچستان وچ بھارتی مداخلت دے ثبوت موجود نیں۔ اوہناں نے آکھیا کہ وزیر اعطم نواز شریف خلاف پی ٹی آئی دے ریفرنس وچ نہ تے وزن اے نہ اوہ ریفرنس حقیقت اے، پی ٹی آئی صرف سیاسی مہم چلا رہی اے۔ اوہناں دا کہنا سی کہ پاناما لیکس نوں ویلے دے نال نال زندا رکھن لئی مختلف حربے ورتے جا رہے نیں۔
