لاہور (پاکستان پوائنٹ نیوز16۔اگست 2016ء) لاہور وچ سٹی ٹریفک پولیس ولوں قانون دی خلاف ورزیاں نوں چیک کرن لئی اشاریاں اُتے کمرے لان دا فیصلا کیتا گیا اے جدکہ قانون وچ ترامیم دا نواں بل جلدی پنجاب اسمبلی وچ منظوری لئی پیش کیتا جاوے گا۔ وسیلیاں دے مطابق وزیر اعلا پنجاب میاں شہباز شریف نے ٹریفک قوانین وچ ترامیم دی منظوری دے دِتی اے جہدے تحت لاہور شہر دیاں ساریاں سڑکاں اُتے ویڈیو تے تصویر بنان والے کیمرے لائے جان گے جہناں دی مدد نال ٹریفک قوانین دی خلاف ورزی کرن والیاں نوں ٹریفک وارڈن دی اوتھے غیر موجودگی دے باوجود وی جرمانا کیتا جا سکے گا ، ایہناں کیمریاں دے بعد ٹریفک اشاریاں اُتے قوانین دی خلاف ورزی کرن والیاں نوں اوتھے لگے کیمرے پھڑن گے تے قانون دی خلاف ورزی کرن والیاں دی تصویر بنا کے مین سسٹم نوں دِتی جاوے گی تے متعلقا گڈی دے مالک نوں جرمانے دی رسید اوہدے گھر پہنچا دِتی جاوے گی جہدے تحت 100 توں 500 رُپئے تیکر جرمانا کیتا جاوے گا۔
جدکہ نویں قوانین دے تحت ترامیمی بل دا مسعودا جلدی ای منظوری لئی پنجاب اسمبلی وچ پیش کیتا جاوے گا۔
