سلوٹ کرن والی پولیس افسر ارسلہ سلیم مریم نواز دی فین اے: رانا ثناءاللہ

اسلام آباد(پاکستان پوائنٹ نیوز06۔جولائی2017ء) رانا ثناءاللہ دا کہنا اے کہ سلوٹ کرن والی پولیس افسر ارسلہ سلیم مریم نواز دی فین اے۔ تفصیل مطابق پچھلے دیہاڑے جے آئی ٹی ساہمنے پیشی لئی جوڈیشل اکیڈمی پہنچن اُتے وزیر اعظم نواز شریف دی دھی مریم نواز نوں سوانی پولیس افسر ارسلہ سلیم ولوں سلوٹ کیتا گیا سی۔ ارسلہ سلیم دے ایس اقدام نوں ڈاڈھی تنقید دا نشانا بنایا جا رہیا اے۔ لوکائی ولوں اعتراض چُکیا گیا اے کہ ارسلہ سلیم نے مریم نواز نوں کس حیثیت نال سلوٹ کیتا۔ ایس حوالے نال ہن وزیر قانون پنجاب رانا ثناءاللہ ولوں دلچسپ وضاحت کیتی گئی اے۔ رانا ثناءاللہ دا کہنا اے کہ سیلوٹ کرن والی پولیس افسر ارسلہ سلیم مریم نواز دی فین اے۔