اسلام آباد(پاکستان پوائنٹ نیوز06۔جولائی2017ء) وزارت خزانا دے نوٹس مگروں ڈالر دی قدر وچ کمی ہوئی اے۔ تفصیل مطابق انٹربنک وچ ڈالر دی قدر وچ کمی ہوئی اے جہدے مگروں ڈالر 2رُپئے 74پیسے سستا ہو کے 105رُپئے 50پیسے اُتے بند ہویا۔ اوپن مارکیٹ وچ وی ڈالر 106رُپئے 50پیسے دا ہو گیا۔ وزیر خزانا اسحاق ڈار نے پچھلے دیہاڑے اچن چیت ڈالر مہنگا ہون دا نوٹس لیندے ہوئے سارے بنکاں دا اجلاس سَدیا سی۔
اجلاس توں پہلاں انٹربنک مارکیٹ وچ ڈالر سستا ہونا شروع ہویا تے کاروبار دے آخیر اُتے ڈالر 2رُپئے 74پیسے دا ہو گیا۔ فاریکس ایسوسی ایشن دے صدر ملک بوستان مطابق انٹر بنک وچ ڈالر ستا ہون مگروں اوپن مارکیٹ وچ وی کم شروع ہویا تے اوپن مارکیٹ وچ ڈالر 106رُپئے دا خریدیا تے 106رُپئے 50پیسے وچ وک رہیا اے۔ ملک بوستان دا کہنا اے کہ رُپئے دی قدر وچ چھیتی ای استحکام آ جائے گا۔
