چیئرمین ایس ای سی پی نے جے آئی ٹی خلاف بیان دین لئی دباءپایا:ڈائریکٹر ماہین فاطمہ

اسلام آباد(پاکستان پوائنٹ نیوز03۔جولائی2017ء) ڈائریکٹر ایس ای سی پی ماہین فاطمہ دا کہنا اے کہ چیئرمین ظفر حجازی نے جے آئی ٹی خلاف بیان دین لئی میرے اُتے دباءپایا۔ اپنے بیان وچ ماہین فاطمہ دا کہنا سی کہ چیئرمین ایس ای سی پی نے دباءپایا کہ جے آئی ٹی خلاف بیان دیو کہ اوہناں دا رویہ مَندا سی۔ ظفر حجازی تے مظفر مراز نے دھمکیاں دتیاں جے تحقیقاتی کمیٹی خلاف بیان نہ دتا تے گلگت تبادلا کر دتا جائے گا۔ اوہناں نے الزام لایا کہ مینوں 2013وچ چودھری شوگر ملز کیس بند کرن دا بیان دین لئی آکھیا گیا۔ ماہین فاطمہ نے بیان ریکارڈ کرواندے ہوئے آکھیا کہ جے آئی ٹی ساہمنے دتا گیا بیان حقیقت اُتے مبنی اے تے اوہنوں رد نہیں کیتا جا سکدا۔ ماہین فاطمہ دا کہنا سی کہ میں چیئرمین ایس ای سی پی دیاں ہدایتاں نوں نظر انداز کر دتا۔