جمشید دستی نوں رہا کر دتا گیا

سرگودھا(پاکستان پوائنٹ نیوز03۔جولائی2017ء) رکن قومی اسمبلی جمشید دستی نوں سرگودھا جیل توں ضمانت اُتے رہا کر دتا گیا۔رہائی مگروں میڈیا نال گل بات کردے ہوئے جمشید دستی دا کہنا سی کہ میں عدالت نوں آپ نوٹس لین اُتے سلام پیش کرنا واں۔ اج مینوں نویں زندگی ملی اے۔ اوہناں دا کہنا سی کہ میں 6دناں توں بھکھا سی تے سیشن جج نے آکے روٹی کھوائی۔ اوہناں نے آکھیا کہ وزیر اعظم نواز شریف تے اوہناں دا خاندان کرپشن وچ ملوث اے تے اوہناں دا احتساب ہو رہیا اے۔ فخر نال آکھنا واں کہ آزاد عدالتاں اج حکومت دے تابع نہیں اے۔ ایس موقعے اُتے جمشید دستی نے حمایت کرن والیاں ساریاں سیاسی جماعتاں دا وی شکریا ادا کیتا۔ ایس موقعے تے جمشید دستی دے چاہن والیاں نے ’گو نواز گو‘ دے نعرے وی لائے۔