الیکٹیبل امیدوار لیاکے (ن) لیگ توں الیکشن جِتنا پی ٹی آئی دی بھل اے: چودھری سرور

لاہور(پاکستان پوائنٹ نیوز22۔جون2017ئ) تحریک انصاف دے سینئر رہنما چودھری محمد سرور نے چُپ توڑدے ہوئے آکھیا اے کہ پارٹی الیکشن کروان دا جو طریقا طے کیتا گیااُنج الیکشن نہیں ہوئے، پارٹی الیکشن ملتوی نہ کیتے جاندے تے پنجاب دا صدر ہوندا، پارٹی الیکشن ملتوی کرن خلاف سی۔ اوہناں نے نجی ٹی وی دے پروگرام وچ سینئر پرچا کار سہیل وڑائچ نال گل بات کردے ہوئے آکھیا کہ آن والے الیکشن توں پہلے پارٹی نوں نقصان ہو سکدا اے۔ ایہ گل ریکارڈ اُتے کہنا چاہنا واں کہ جے پی ٹی آئی ایہ سمجھدی اے کہ الیکشن امیدوار لیان نال اسیں (ن) لیگ توں جِت لواں گے تے (ن) لیگ کول الیکشن جِتن والے امیدوار تے پیسہ دوویں ودھ نیں۔ اوہناں دا کہنا سی کہ سانوں الیکشن جِتن لئی (ن) لیگ نال ایشوز اُتے جانا پئے گا۔ چیتے رہوے کہ پچھلے کُجھ دِناں توں چودھری سرور دے پی ٹی آئی نوں چھڈن دیاں خبر ساہمنے آ رہیاں سن پر اوہناں نے ایس حوالے نال چُپ توڑدے ہوئے اپنے تحفظات دا وکھالا کر دتا اے۔ ویڈیو تُسیں وی ویکھو!