راولپنڈی(پاکستان پوائنٹ نیوز22۔جون2017ئ) بھارتی جاسوس کلبھوشن یادیو نے آرمی چیف جنرل قمر جاوید باجوہ نوں رحم دی اپیل دی درخاست گھل دتی جدکہ ملٹری اپیلٹ کورٹ پہلے ای کلبھوشن یادیو دی اپیل رد کر چکی اے۔ ترجمان پاک فوج نے آکھیا کہ بھارتی جاسوس کلبھوشن یادیو نے آرمی چیف نوں رحم دی اپیل دی درخاست کر دتی اے۔ درخاست وچ کلبھوشن نے دہشت گردی تے ریاست مخالف سرگرمیاں دا اعتراف کیتا اے۔
بھارتی جاسوس کلبھوشن نے اپنیاں سرگرمیاں نال کئی قیمتاں جاناں تے املاک نوں نقصان پہنچایا اے۔ چیتے رہوے کہ بھارتی جاسوس کلبھوشن یادیو نوں دہشت گردی تے جاسوسی دے الزام وچ موت دی سزا سنائی گئی سی۔ ایس توں وکھ بھارتی جاسوس نے اک ہور ویڈیو وچ وی دہشت گردی تے ریاست مخالف سرگرمیاں اعتراف کیتا اے۔
