اسلام آباد (پاکستان پوائنٹ نیوز13۔اگست 2016ء) نندی پور پاور پلانٹ دے آپریشنز تے مین ٹیننس چینی کمپنی نوں دین دا اصولی فیصلا کر لِتا گیا اے۔ میڈیا رپورٹ دے مطابق چینی کمپنی ہیپ سیک نوں عالمی بولی دے ذریعے چُنیا گیا اے، بولی وچ چار غیر ملکی کمپنیاں نے وی حصا لِتا، جہدے وچ چین دیاں دو کمپنیاں ہیپ سیک تے سپیکو3، امریکی کمپنی جنرل الیکٹرک تے ملائیشیاء دی ٹی این بی کمپنی شامل سن۔
چینی کمپنی نے سبھ توں گھٹ بولی دتی۔ نجی ٹی وی نے وسیلیاں حوالے نال دسیا کہ جلد ای چینی کمپنی نوں ایس پاور پلانٹ دی ذمے واری دے دِتی جاوے گی۔ جدکہ آپریشنز کو آؤٹ سورس کرن لئی نیپرا دے معیار نوں نظر وچ رکھیا گیا اے۔ یاد رہوے کہ نیپرا نے نندی پور پاور پلانٹ دے آپریشنز لئی 48 پیسے فی یونٹ ریٹ مِتھیا اے۔
