پنجاب انسٹی ٹیوت آف کارڈیالوجی لئی 2 نویاں انجیوگرافی مشیناں مُل لین دا فیصلا

لاہور(پاکستان پوائنٹ نیوز13۔اگست 2016ء) پنجاب انسٹی ٹیوٹ آف کارڈیالوجی لئی دو نویاں انجیو گرافی مشیناں مُل لین دا فیصلا کر لِتا گیا اے۔ نویاں انجیو گرافی مشیناں پہلے توں موجود پرانیاں مشیناں دی تھاں لائیاں جان گیاں،جہناں دی خریداری لئی 240 ملین رُپئے منگ لِتے گئے نیں۔ وسیلیاں دے حوالے نال دسیا گیا اے کہ محکما سپیشل سلائزڈ ہیلتھ کیئر نے پی آئی سی لئی دو نویاں انجیو گرافی مشیناں مُل لین دا فیصلا کیتا اے۔ جدکہ ایس حوالے نال محکمے نے 240 ملین رُپئے منگ لئے نیں۔ یاد رہوے کہ ہسپتال وچ لگیاں مشیناں اپنی معیاد پوری کر چکیاں نیں تے نویاں آن والیاں مشیناں پرانیاں مشیناں دی تھاں لین گیاں۔