’دنیا وچ نہ تے ہر شے وکاﺅ ہوندی اے تے نہ ای ہر شے مُل لئی جا سکدی اے‘

اسلام آباد(پاکستان پوائنٹ نیوز24۔مئی2017ء) مشہور کالم نگار ارشاد بھٹی نے ’اُردو پوائنٹ‘ لئی لکھے گئے اپنے اُچیچے کالم وچ پاکستان دی وڈی کاروباری شخصیت صدر الدین ہاشوانی تے اوہناں دے مشہور ہوٹل وچ عرب شہزادے دی آمد دی کہانی بیان کیتی۔ ارشاد بھٹی لکھدے نیں کہ اک عربی شہزادہ جو پاکستان اپنے ذاتی جہاز اُتے آیا تے جہدا 3وزیراں نے ائر پورٹ اُتے استقبال کیتا، اوہنوں اسلام آباد دے فائیو سٹار ہوٹل وچ ٹھہرایا گیا۔

ایسے شہزادے نے جس شام اپنے لشکر نال ہوٹل وچ ڈیرے لائے اوس توں اگلی سویر ہوٹل انتظامیا نے ویکھیا کہ 5.7بندے کئی قسماں دے کھانے لے کے آ رہے نیں۔ جدوں پُچھیا گیا کہ تُسیں کون تے ایہ سبھ کیہ اے؟ اگوں جواب ملیا کہ اسیں پرنس دے خدمتگار آں تے ایہ پرنس دی پسندیدا تھاں توں لیاندا گیا ناشتا اے۔