انسانی انگاں دی سمگلنگ، ایف آئی اے نے تحقیقات شرو ع کر دِتیاں

اسلام آباد (پاکستان پوائنٹ نیوز10۔اگست 2016ء) ایف آئی اے نے انسانی انگاں دی سمگلنگ بارے سوشل میڈیا اُتے جار ی ہون والیاں تصویراں بارے تحقیقات شروع کر دِتیاں نیں۔ ایہناں تصویراں وچ اک مصوم بالڑی نوں ڈِبیاں وچ پیک وکھایا گیا اے، ڈائریکٹر ایف آئی اے مظہر کاکاخیل ولوں اپیل کیتی گئی اے کہ جے کسے کول ایس حوالے نال ٹھوس معلومات ہون تے اوہ فوری طور اُتے ایف آئی اے نال رابطا کرن۔ یاد رہوے کہ ایس ویلے پنجاب وچ مصوم بالاں دے اغوا لئی گروہ سرگرم نیں تے کئی شہراں وچ ایس گروہ دے کارندے پھڑے گئے نیں پر ایہدے باوجود ایس گروہ دا مرکزی سرغنہ کون اے ایہ پتا نہیں لگ سکیا۔ ایف آئی اے توں وکھ قانون نافذ کرن والے ہور ادارے وی ایس بارے تحقیقات کر رہے نیں۔