کراچی وچ صفائی دا مسئلا 2 مہینیاں وچ حل ہو جاوے گا: وزیر اعلا سندھ دی نویں ڈیڈلائن

کراچی (پاکستان پوائنٹ نیوز10۔اگست 2016ء) وزیر اعلا سندھ مرادعلی شاہ نے شہر وچ صفائی دے حوالے نال نویں ڈیڈ لاین دیندے ہوئے آکھیا اے کہ صفائی دا معاملا دو مہینیاں وچ حل ہو جاوے گا ۔ تفصیل دے مطابق پچھلے دیہاڑے سندھ دے وزیر اعلا مرادعلی شاہ نے لیاری دا دورا کیتا جِتھے علاقا واسیاں ولوں پانی دی کمی تے لوڈشیڈنگ خلاف احتجاج کیتا گیا۔ علاقا واسیاں دا آکھنا سی کہ وزیر اعلا سندھ پورے لیاری دا دورا کرن تے ایتھوں دے مسایل حال کرن۔ دورے دے بعد میڈیا نال گل بات کردے ہوئے مراد علی شاہ نے صفائی دے حوالے نال نویں ڈیڈ لائن دِتی تے آکھیا کہ شہر دی گندگی کجھ دِناں وچ صاف نہیں ہو سکدی۔ صفائی دا معاملا دو مہینیاں وچ حل ہو جاوے گا۔