اسلام آباد(پاکستان پوائنٹ نیوز13۔مئی2017ء) تحریک انصاف دے چیئرمین عمران خان دی صدارت ہیٹھ پارٹی دی مرکزی مجلس عاملا دا اجلاس ہویا، اجلاس وچ ملکی سیاسی صورتحال تے عوامی رابطا مہم شروع کرن بار ے وچار وٹاندرا کیتا گیا۔ میڈیا رپورٹس دے مطابق عمران خان دی صدارت ہیٹھ ہون والے اجلاس وچ پارٹی دے مرکزی رہنما شاہ محمود قریشی، جہانگیر ترین، اسد عمر تے ہور رہنماواں نے رلت کیتی۔
اجلاس وچ آن والے الیکشن تے پاناما فیصلے بارے حکمت عملی دا جائزا وی لتا گیا۔ ایس موقعے اُتے اجلاس وچ انٹرا پارٹی الیکشن نِکی عید مگروں کروان دا فیصلا کیتا گیا۔ ایس توں وکھ اجلاس وچ پی ٹی آئی نے اصغر خان کیس اُتے عملدرآمد لئی سپریم کورٹ نال رابطا کرن دا فیصلاوی کیتا۔ اجلاس وچ نواز شریف ولوں اسامہ بن لادن توں پیسے لین اُتے قانونی کارروائی کرن بارے وی غور کیتا گیا۔
