راولپنڈی(پاکستان پوائنٹ نیوز13۔مئی2017ء) بھارتی فوج نے لائن آف کنٹرول دے کئی سیکٹرز اُتے اک وار فیر سیز فائر دی خلاف ورزی کرد ے ہوئے فائرنگ کر کے 3شہریا ںنوں زخمی کر دتا، پاک فوج نے بھارتی فائرنگ دا بھرپور جواب دتا۔ آئی ایس پی آر دے مطابق بھارتی سکیورٹی فورسز نے ایل او سی اُتے کریلا، کورٹ کو تیرا، کھوئی رٹہ، سبز کورٹ، بارو، ٹنڈر تے خنجر سیکٹروچ سیز فائر دی خلاف ورزی کردے ہوئے انھے واہ فائرنگ کیتی جہدا پاکستانی سکیورٹی فورسز ولوں بھرپور جواب دتا گیا۔
آئی ایس پی آر دے مطابق فائرنگ دا سلسلا 7وجے شروع ہویا، فائرنگ دے نتیجے وچ کوٹ کوتیرا سیکٹر دے پنڈ سوہانا دے تن شہری زخمی ہو گئے ۔آئی ایس پی آر دے مطابق زخمیاں ہون والیاں وچ حاجی محمد یونس ولد عبدالعزیز، ریحانہ بی بی زوجہ محمد آصف تے ثمینہ بیگم زوجہ طفیل مغل شامل نیں۔
