بختاور بھٹو نے سینیٹ ولوں منظور کیتے گئے ’احترام رمضان‘ قانون دی مخالفت کر دتی

دبئی(پاکستان پوائنٹ نیوز11۔مئی2017ء) بختاور بھٹو نے سینیٹ ولوں منظور کیتے گئے ’احترام رمضان‘ قانون دی مخالفت کردتی۔ تفصیل دے مطابق رمضان المبارک دی آمد نوں مُکھ رکھدے ہوئے سینیٹ وچ ’احترام رمضان‘ قانون منظور کیتا گیا اے۔ قانون دے تحت رمضان المبارک دوران سرعام کھان پین والے بندے نوں 25ہزار رُپئے تک جرمانا تے جیل دی سزا دتی جائے گی۔ ذکر کیتے گئے قانون دی آصف زرداری دی دھی بختاور بھٹو نے مخالفت کردے ہوئے آکھیا کہ گرمیاں کارن لوک ڈی ہائڈریشن دا شکار ہو سکدے نیں جدکہ ہیٹ سٹروک کارن موتاں تک ہو سکدیاں نیں اجیہے حالات وچ اجیہا قانون منظور کرنا مخول دی گل اے۔ بختاور دا کہنا سی کہ زبردستی مذہب اُتے عمل کروانا اسلام نہیں اے۔