پاناما لیکس: جے آئی ٹی نے وزیر اعظم تے کیپٹن صفدر دے اثاثیاں دیاں تفصیلاں الیکشن کمیشن توں منگ لئیاں

پاناما لیکس: جے آئی ٹی نے وزیر اعظم تے کیپٹن صفدر دے اثاثیاں دیاں تفصیلاں الیکشن کمیشن توں منگ لئیاں

اسلام آباد(پاکستان پوائنٹ نیوز11۔مئی2017ء) پاناما لیکس دیاں تحقیقات لئی بنائی گئی جوائنٹ انویسٹی گیشن (جے آئی ٹی) نے الیکشن کمیشن توں وزیر اعظم نواز شریف تے کیپٹن صفدر دے اثاثیاں دیاں تفصیلاں منگ لئیاں۔ الیکشن کمیشن نے ساریاں تفصیلاں مرتب کر کے گھلن دی حامی بھر لئی اے۔ وسیلیاں دے مطابق جے آئی ٹی دا اک اہم اجلاس جمعرات دے دیہاڑے ٹیم دے سربراہ ایڈیشنل ڈائریکٹر ایف آئی اے واجد ضیاءدی صدارت ہیٹھ ہویا، اجلاس وچ ٹیم دے سارے ممبراں نے رلت کیتی۔

ایس دوران ٹیم دے 6ویں ممبر نیب دے ڈائریکٹر عرفان منگی نوں اجلاس دےاں سانجھیاں تحقیقات دے طریقے بارے آگاہ کیتا گیا۔ اجلاس وچ سانجھے مشورے مگروں ٹیم نے الیکشن کمیشن آف پاکستان توں وزیر اعظم تے کیپٹن صفدر دیاں 2013 توں 2016تک سارے اثاثیاں دے گوشواریاں دیاں تفصیلاں منگ لئیاں، جہدے اُتے الیکشن کمیشن نے رضا مندی دا وکھالا کردے ہوئے وزیر اعظم دے اثاثیاں دیاں ساریاں تفصیلاں مرتب کر کے دین دی حامی بھر لئی اے۔