اسلام آباد(پاکستان پوائنٹ نیوز06۔مئی2017ء) پاکستان قومی ائر لائن پی آئی اے دا اک ہور کارناما ساہمنے آ گیا اے۔ تفصیل دے مطابق اسلام آباد توں لندن جان والی پی آئی اے دی اُڈان پی کے 785دا پائلٹ تے پالپا دا سابق صدر عامر ہاشمی اُڈان دوران سُتا رہیا۔کپتان نے اُڈان دوران بین الاقوامی سیفٹی قانون دی خلاف ورزی کیتی۔ قانون مطابق اُڈان دا کپتان 10توں 15منٹ اپنی سیٹ اُتے بِہ کے سو سکدا اے۔
عامر ہاشمی اُڈان دوران بزنس کلاس سیٹ اُتے سُتے رہے تے جہاز نوں کو پائلٹ آپریٹ کردا رہیا۔ ذکر کیتی گئی اُڈان وچ موجود مسافراں نے احتجاج کرن دے نال نال عامر ہاشمی خلاف اک تحریری شکایت وی درج کروائی۔ جہدے وچ دسیا گیا کہ اُڈان دے کپتان عامر ہاشمی اُڈان دوران نیندر دے مزے لیندے رہے۔ اُڈان دوران کپتان عامر ہاشمی دے جہاز وچ سون دی ویڈیو پچھلے دیہاڑے نجی ٹی وی چینلز نے وی چلائی جہنوں ویکھ لے لوکاں نے غصے دا وکھالا کیتا۔
