اسلام آباد(پاکستان پوائنٹ نیوز29۔اپریل2017ء) نجی ٹی وی چینل دے پروگرام وچ گل بات کردے ہوئے دفاعی تجزیا کار زید حامد نے آکھیا کہ جندال نے مبینہ طور اُتے وزیر اعظم نوں پیشکش کیتی کہ تُسیں چاہو تے اسیں تہانوں بچان لئی پاکستان نال آرمی خلاف ہر قسم دا بحران کھڑا کر سکدے آں ۔ اوہناں دا کہنا سی کہ ایہو جندال دے پُتر نے اپنے ٹویٹس وچ پاک فوج نوں گالھاں کڈھیاں سن۔
ایہ لوک پاکستان آرمی خلاف جو غصہ رکھدے نیں اوہ کوئی لُکیا ہویا نہیں اے۔اوہناں نے آکھیا کہ تواریخ گواہ اے کہ جدوں وی وزیر اعظم نواز شریف مشکل وچ ہوندے سن تے نال ای لائن آف کنٹرول اُتے فائرنگ تے دہشت گردی شروع ہو جاندی سی۔ اے پی ایس دا واقعہ وی ایس لئی کیتا گیا سی کہ نواز شریف خلاف اک بہت وڈا دھرنا کھڑا ہو گیا سی۔ زید حامد نے آکھیا کہ عمران خان نوں اپنی سکیورٹی وچ وادھا کر لینا چاہیدا کیونکہ بطور دفاعی تے سکیورٹی تجزیا کار مینوں انج لگ رہیا اے کہ ہن ایہ عمران خان نوں ٹارگٹ کرن گے تے عمران خان نوں قتل کروایا جا سکدا اے۔
