انشاءاللہ ملک چوں ہر طرحاں دے فساد دا خاتما کر کے ساہ لواں گے: آرمی چیف جنرل قمر جاوید باجوہ

گوجرانوالا(پاکستان پوائنٹ نیوز28۔اپریل2017ء) آرمی چیف دا کہنا اے کہ انشاءاللہ ملک چوں ہر طرحاں دے فساد دا خاتما کرکے ساہ لواں گے۔ آئی ایس پی آر دے مطابق آرمی چیف جنرل قمر جاوید باجو ہ نے اج گوجرانوالا گیریژن دا دورا کیتا۔ آرمی چیف نوںاوہناں دے دورے دوران گوجرانوالا کور دیاں آپریشنل تیاریاں، آپریشن ’ردالفساد‘ تے آدم شماری بارے بریفنگ دتی گئی۔ آرمی چیف نے فوجیاں دے اُچے حوصلے تے تیاری نوں سلاہیا۔ آرمی چیف نے فوجی افسراں تے جواناں نال خطاب کرد ے ہوئے آکھیا کہ دہشت گرداں خلاف آپریشن کامیابی نال جاری اے۔ اوہناں دا کہنا سی کہ انشاءاللہ ملک چوں ہر طرحاں دے فساددا خاتما کر کے ساہ لواں گے۔ آرمی چیف نے گوجرانوالا گیریژن دے دورے دوران پسرور کینٹ دا وی دورا کیتا۔