قطری خط دی تصدیق لئی قطری شہزادے جے آئی ٹی ساہمنے پیش ہون گے: طلال چودھری دا دعوا

اسلام آباد(پاکستان پوائنٹ نیوز21۔اپریل2017ء) مسلم لیگ (ن) دے رہنما طلال چودھری نے نجی ٹی وی چینل دے اک پروگرام وچ گل بات کردے ہوئے آکھیا کہ لوڑ پئی تے حماد بن جاسم آپ پاکستان آکے اوس خط دی تصدیق کرن گے۔ اوہناں نے دعوا کیتا کہ پاناما کیس وچ ایس توں پہلے جِنیاں وی دستاویزات پیش کیتیاں گئیاں اوہناں دی فیر تصدیق وی کروائی جا ئے گی ، جے آئی ٹی چاہوے تے اوہناں لوکاں نال ملاقات وی کر سکدے نیں۔ طلال چودھری دا کہنا سی کہ قطری خط دی گل آئی تے اودوں وی وکیل نے عدالت نوں پیشکش کیتی سی کہ قطری شہزادے نوں بلاکے اوہدے خط دی دوبارا تصدیق کروائی جا سکدی اے۔ اوہناں نے آکھیا کہ ایس حوالے نال کوئی مسئلا نہیں اے جے سانوں ہور دستاویزات وی دیناں پئیاں تے اوہ وی دیواں گے۔