وزیر اعظم نواز شریف خلاف گرینڈ الائنس بن سکدا اے: شیخ رشید

وزیر اعظم نواز شریف خلاف گرینڈ الائنس بن سکدا اے: شیخ رشید

اسلام آباد(پاکستان پوائنٹ نیوز21۔اپریل2017ء)سپریم کورٹ توں آن والے پاناما کیس دے فیصلے اُتے اپو زیشن جماعتاں نے اپنے اپنے ردعمل دا وکھالا کرد ے ہوئے وزیر اعظم نواز شریف توں مستعفی ہون دا مطالبا کیتا اے۔ عوامی مسلم لیگ دے سربراہ شیخ رشید احمد نے ایس معاملے اُتے ساریاں اپوزیشن جماعتاں نوں اک فورم اُتے لیان لئی کوششاں شروع کر دتیاں نیں۔ شیخ رشید دا کہنا سی کہ سراج الحق سنے سارے لوک آن بورڈ نیں۔ وزیر اعظم نواز شریف خلاف گرینڈ الائنس بن سکدا اے۔ اوہناں نے آکھیا کہ پیپلز پارٹی وچ جے آصف زرداری دی تھاں بلاول ہون تے پی ٹی آئی نوں وی کوئی مسئلا نہیں ہووے گا۔ شیخ رشید نے آکھیا کہ مولانا فضل الرحمان تے اسفند یار ولی دی چابی وی آصف زرداری کول اے۔