اسلام آباد(پاکستان پوائنٹ نیوز20۔اپریل2017ء) سابق چیف جسٹس سپریم کورٹ افتخار چودھری نے آکھیا اے کہ پاناما لیکس فیصلے وچ نواز شریف خلاف فیصلا دو ججاں نے نہیں دتا بلکہ پنجاں ججاں نے ثابت کر دتا کہ نواز شریف ایماندر نہیں رہے۔ اوہناں نے نجی ٹی وی نوں انٹرویو وچ آکھیا کہ نواز شریف خلاف دو ججاں دا وڈا فیصلا آیااے، دو ججاں ولوں نواز شریف نوں نااہلی دا سرٹیفکیٹ مل گیا اے۔
اوہناں دا کہنا سی کہ عدالت ولوں آکھیا گیا کہ نواز شریف ایس قابل نہیں کہ اوہ ممبر اسمبلی رہ سکن۔ عدالتی فیصلا بڑا اہم اے تے ہر جج نے وکھ وکھ نوٹ لکھیا اے۔ افتخار چودھری نے آکھیا کہ فیصلے وچ لکھیا گیا اے کہ تُسیں قوم نال جھوٹھ بولیا۔ ایسے طرحاں میاں شریف دے سمجھوتے دی کاپی بوگس اے جدکہ حسین نواز دا انٹرویو وی جھیڑوا اے۔ سابق چیف جسٹس نے آکھیا کہ اینے ثبوتاں مگروں جے آئی ٹی بنانا سمجھ توں باہر اے۔ اوہناں نے واضح کیتا کہ معاملا جے آئی ٹی وچ گھلن دا مقصدتفصیلی تحقیقات کرنا اے۔
