پاناما کیس دے حوالے نال ’ ن یاں قانون وچوںکسے اک دا جنازہ‘ نکلن دا نعرا لان والے شیخ رشید فیصلا آن مگروں عدالتوں غائب ہو گئے

پاناما کیس دے حوالے نال ’ ن یاں قانون وچوںکسے اک دا جنازہ‘ نکلن دا نعرا لان والے شیخ رشید فیصلا آن مگروں عدالتوں غائب ہو گئے

اسلام آباد(پاکستان پوائنٹ نیوز20۔اپریل2017ء) پاناما کیس دے حوالے نال ’ ن یاں قانون وچوںکسے اک دا جنازہ‘ نکلن دا نعرا لان والے شیخ رشید کیس دا فیصلا آن مگروں عدالتوں غائب ہو گئے۔ تفصیل دے مطابق عوامی مسلم لیگ دے سربراہ شیخ رشید احمد جمعرات نوں پاناما کیس دا فیصلا سُنن لئی عدالت عظمی وچ آئے پر کیس دا فیصلا آن مگروں شیخ رشید کسے نوں وکھائی نہ دتے، میڈیا نمائندیاں ولوں تجزیے لئی اوہناں نوں لبھن دی کوشش کیتی گئی پر عوامی مسلم لیگ دے سربراہ میڈیا دیاں اکھاں وچ مٹی پا کے غائب ہو گئے۔ چیتے رہوے کہ شیخ رشید احمدپچھلے اک مہینے توں دعوا کر رہے سن کہ کیس دا فیصلا اوہناں دے حق وچ آئے گا تے عدالت عظمی وچوں ’ن یاں قانون وچوں کسے اک دا جنازہ نکلے گا‘