اسلام آباد(پاکستان پوائنٹ نیوز20۔اپریل2017ء) ترجمان دفتر خاریا نفیس زکریا نے آکھیا اے کہ کلبھوشن یادیو بھارتی جاسوس ایجنسی لئی کم کردا سی اوہ پاکستان وچ دہشت گردی تے تخریب کاری دیاں سرگرمیاں وچ ملوث رہیا اے، اوہنوں سفارتی رسائی نہ دین دا فیصلا میرٹ اُتے کیتا گیا اے، ریٹائرڈ کرنل دی رہائی لئی نیپال حکومت نال رابطے وچ آں۔ ایہناں خیالاں دا اظہار اوہناں نے میڈیا نوں ہفتہ وار بریفنگ دیندے ہوئے کیتا۔
ترجمان دفتر خارجا نفیس زکریا نے اک سوال دے جواب وچ آکھیا کہ کلبھوشن نوں موت دی سزا سنان اُتے بھارت پریشانی دا شکار اے ۔ اوہناں نے آکھیا کہ کلبھوشن نوں پاکستان دے قانون مطابق پاکستان و چ جاسوسی کرن، دہشت گردی تے تخریب کاری وچ ملوث ہون دے ثبوت ملن اُتے موت دی سزا سنائی گئی اے۔ اوہناں نے آکھیا کہ پاکستان تے بھارت وچکار قونصلر رسائی دا سمجھوتا موجود اے پر ایس سمجھوتے دی شق 6دے تحت پاکستان نے میرٹ اُتے بھارتی درخاست اُتے فیصلا واقعات نوں ویکھ کے میرٹ اُتے کیتا اے کہ اوہنوں قونصلر رسائی نہیں دتی جائے گی۔
