صوابی(پاکستان پوائنٹ نیوز15۔اپریل2017ء) عبدالولی خان یونیورسٹی وچ بھوترے جتھے دا نشانا بنن والے مشال خان نوں جدی علاقے وچ لیاندا گیا جتھے اوہدی نمازہ جنازہ پڑھے جان مگروں اوہنوںدفن کیتا جانا سی۔ مقامی بندے سلمان احمد دا کہنا سی کہ صوابی دے امام مسجد نے مشال خان دی نمازہ جنازہ پڑھان توں انکار کیتا سی۔ جہدے مگروں نمازہ جنازہ وچ موجود اک ٹیکنیشن نے مشال خان دانمازہ جنازہ پڑھایا۔
مشال خان دا ہاسٹل روم اجے اُنج ای اے۔ قتل توں اک دن پہلے مشال خان نے مذہب دے موضوع اُتے ساتھیاں نال اک بحث کیتی جو مبینہ طور اُتے مشال خان دے قتل دی وجہ بنی۔ مشال دے قریبی ساتھیاں دا کہنا اے کہ مشال خان نوں مذہب نال جُڑت سی پر اوہ کئی وار تجسس کارن بڑے سوال کردا سی۔ چیتے رہوے کہ دو دن پہلے عبدالولی خان یونیورسٹی دے اک پڑھیار مشال خان نوں گستاخ رسول قرار دے کے یونیورسٹی دے بھوترے جتھے نے تشدد مگروں قتل کر دتا سی۔
