وزیر اعظم نواز شریف دا مشال خان دے قتل اُتے ہرکھ دا وکھالا

اسلام آباد(پاکستان پوائنٹ نیوز15۔اپریل2017ء) وزیر اعظم میاں محمد نواز شریف نے مردان دی عبدالولی خان یونیورسٹی وچ مشال خان دے قتل اُتے ہرکھ دا وکھالا کیتا اے۔ وزیر اعظم نواز شریف دا کہنا سی کہ بھوترے جتھے ولوں پڑھیار نوں قتل کیتے جان دے واقعے دا بڑا دُکھ ہویا۔ ریاست قانون ہتھ وچ لین والیاں نوں کسے صورت برداشت نہیں کرے گی۔ اوہناں دا کہنا سی کہ قتل دے ذمے واراں دی گرفتاری لئی پولیس نوں ہدایتاں جاری کرد تیاں گئیاں نیں۔ وزیر اعظم نے پیغام دتا کہ کوئی والد ایس خوف توں اپنے بال نوں تعلیم توں محروم نہ کرے کہ اوہدی لاش واپس آئے گی۔ چیتے رہوے کہ عبدالولی خان یونیورسٹی دے پڑھیار مشال خان دے قتل نے لوکائی تے سیاستداناں نوں سوچن تے مجبور کر دتا اے۔