وفاق گیس انفراسٹرکچر ڈویلپمنٹ سرچارج وچ وادھے دا وعدا پورے کرے: پرویز خٹک

پشاور(پاکستان پوائنٹ نیوز13۔اپریل2017ء) خیبرپختونخوا دے وزیر اعلا پرویز خٹک نے وفاق توں مطالبا کیتا اے کہ اوہ گیس انفراسٹرکچر ڈویلپمنٹ وچ وادھے دا وعدا پورا کرے۔ تفصیل دے مطابق خیبرپختونخوا دے وزیر اعلا پرویز خٹک نے وفاق توں مطالبا کیتا اے کہ اوہ گیس انفراسٹرکچر ڈویلپمنٹ وچ وادھے دا وعدا پورا کرے۔ پرویز خٹک دا کہنا سی کہ صوبیاں دے آئینی تے قانونی حق دینا آئین دے آرٹیکل 5دے تحت ضروری نیں، ایس لئی مرکز اپنے وعدے نوں ویلے سِر پورا کرے۔ اوہناں نے واضح کیتا کہ صوبائی حکومت گیس تے تیل پیدا کرن والے ضلعیاں وچ 10فیصد دے حساب نال ترقی و بحالی لئی منصفانہ فنڈز دے رہی اے جو ADPتوں وکھ اے پرمرکز نوں اپنیاں ذمے واریاں پتا ہونا چاہیدیاں۔