اسلام آباد (پاکستان پوائنٹ نیوز05۔اگست 2016ء) وزیر اعلا سندھ مراد علی شاہ نے آکھیا اے کہ وزیر اعظم نواز شریف نال ملاقات وچ سندھ دے مسائل اُتے گل بات ہوئی اے۔ وزیراعظم نے سندھ دے مسائل دے حل لئی مینوں مکمل تعاون دی یقین دہانی کروائی اے امن و امان سنے ہور وڈے چیلنجاں نال نبڑن لئی وفاق دی مدد بہت ضروری اے۔ ایہناں گلاں دا اظہار وزیر اعلا سندھ مراد علی شاہ نے وزیر اعظم نال ملاقات دے بعد کیتا۔
اوہناں دا کہنا سی کہ سندھ دا وزیر اعلا بنان اُتے بلاول بھٹو تے آصف علی زرداری دا شکر گزار آں ۔ لوکائی دی خدمت کرکے اوہناں دیاں امیداں اُتے پورا اُتراں گا۔ اوہناں نے آکھیا کہ مینوں سندھ دی لوکائی دے نال دے نال اعلا قیادت دی وی بھرپور حمایت حاصل اے۔اوہناں دا آکھنا سی کہ وزیر اعظم نے سندھ دے مسائل حل کرن لئی مینوں مکمل تعاون ی یقین دہانی کروائی اے۔ مینوں امن و امان سنے ہور وڈے چیلنجاں نال نبڑن لئی وفاق دی مدد دی لوڑ اے۔
