اسلام آباد (پاکستان پوائنٹ نیوز5۔اگست 2016ء) تحریک انصاف دے ترجمان نعیم الحق نے آکھیا اے کہ عمران خان خلاف ریفرنس بدنیتی اُتے مبنی اے ایس قسم دے کم کرن نال حکومت نوں شرمندگی دا سامنا کرنا پوے گا۔اوہناں دا کہنا سی کہ سانوں نہ تخت رائیونڈ توں خطرہ اے نہ اوہناں دے وفادار سپیکر توں ڈر اے۔ تفصیل دے مطابق تحریک انصاف دے رہنما نعیم الحق نے مسلم لیگ (ن) دے ریفرنس اُتے ردعمل دیندے ہوئے آکھیا کہ قوم جاندی اے، سپیکر اسمبلی شریف خاندان دی وفاداری دے دم بھردے نیں تے پاناما لیکس وچ وزیر اعظم دے جھوٹھ اُتے سپیکر نوں کارروائی کرنی چاہیدی سی۔
اوہناں نے آکھیا کہ وزیر اعظم نواز شریف عمران خان دی طرحاں اپنے آپ نوں احتساب لئی پیش کرن۔ عمران خان خلاف اوہناں دا ریفرنس بدنیتی اُتے مبنی اے، ایس قسم دے حربے حکومت لئی شرمندگی دی وجہ بنن گے۔ نعیم الحق نے آکھیا کہ نہ سانوں تخت رائیونڈ توں خطرا اے نہ اوہناں دے وفادار سپیکر توں ڈر اے۔
