کراچی(پاکستان پوائنٹ نیوز07۔اپریل2017ء) سیہون شریف دھماکے دے دو سہولت کاراں نوں شناخت کر لیا گیا اے۔ تفصیل دے مطابق ایڈیشنل آئی جی محکمہ انسداد دہشت گردی ثنااللہ عباسی نے میڈیا نال گل بات کردے ہوئے دسیا کہ 38کیمریاں دی مدد نال آپ مارو حملا آور تے اوہدے سہولت کاراں نوں شناخت کر لیا گیا۔اوہناں دا کہنا سی کہ 16فروری تے اوہدے توں پہلے دی ویڈیو نوں وی ویکھیا گیا۔
16فروری دی ویڈیو وچ آپ مارو حملا آور نوں واضح طور اُتے ویکھیا جا سکدا اے۔ اوہناں نے دسیا کہ باریکی نال ویکھن اُتے پتا چلیا کہ حملا آور نے خدکش جیکٹ پائی ہوئی سی۔ خدکش حملا آور تے سہولت کار اک گھنٹے تک مزار وچ رہے۔ ایڈیشنل آئی جی نے دسیا کہ پولیس نے سارے ثبوت اکٹھے کر لئے نیں۔ سی سی ٹی وی فوٹیج توں لتیاں گئیاں تصویراں نوں شناخت لئی نادرا نوں گھل دتا گیا اے۔ شناخت وچ مدد کرن والیاں نوں 50لکھ رُپئے انعام دتا جائے گا۔ سہولت کاراں دی شناخت بارے اطلاع 012-99203438تے رینجرز دی ہیلپ لائن 1101اُتے وی دتی جا سکدی اے۔ چیتے رہوے کہ سیہون شریف وچ آپ مارو حملے دے نتیجے وچ 90بندے ہلاک تے 300توں ودھ زخمی ہوئے سن۔
