لاہور(پاکستان پوائنٹ نیوز06۔اپریل2017ء) تحریک انصاف دے چیئرمین عمران خان نے آکھیا اے کہ راحیل شریف دے دہشت گردی خلاف اقدامات حقیقت نیں، لوکاں نے دہشت گردی خلاف کامیابی دا کریڈٹ جنرل راحیل شریف نوں ای دینا اے، گورنر سندھ دا بیان افسوسناک اے، نواز شریف پاناما کیس توں توجہ ہٹان لئی سارا کریڈٹ لین دی کوشش کر رہے نیں۔ تفصیل دے مطابق اج نجی ٹی وی دے پروگرام وچ گل بات کردے ہوئے تحریک انصاف دے چیئرمین عمران خان دا کہنا سی کہ راحیل شریف بارے گورنر سندھ دا بیان افسوسناک اے۔
گورنر سندھ دی کوشش اے کہ دہشت گردی خلاف کامیابی دا کریڈٹ نواز شریف نوں ملے۔ نواز شریف پاناما کیس توں بہت پریشان نیں۔ عمران خان دا کہنا سی کہ نواز شریف پاناما توں توجہ ہٹان لئی سارا کریڈٹ لین دی کوشش کر رہے نیں۔ اوہناں نے آکھیا کہ دوویں بھراواں نے کریڈٹ لین لئی 30ارب رُپئے دے اشتہار دتے جو لوکائی دا پیسہ اے۔ کسے ملک وچ اج نہیں ہوندا۔ اوہناں نے آکھیا کہ ایہ سارے رلے ہوئے نیں ایہناں دے ضمیر مر گئے نیں۔ ملک دے سارے ادارے ایہناں دے قبضے ہیٹھ نیں۔
