کوئٹہ(پاکستان پوائنٹ نیوز21۔مارچ2017ء) گورنر سٹیٹ بنک آف پاکستان اشرف محمود وتھرا نے آکھیا اے کہ جعلی نوٹاں دا مسئلا حل کرن لئی 30شہراں وچ نویاں مشیناں لواں گے، کرنسی بدلن دا جامع منصوبا وی غور ہیٹھ اے، کرنسی بدلن دے منصوبے اُتے 1توں ڈیڈھ سال وچ عملدرآمد ہووے گا، پچھلے 3,4ورھیاں وچ رُپئے دی قدر مستحکم ہوئی۔ اوہناں نے اج پریس کانفرنس کردے ہوئے آکھیا کہ ملک اندر مہنگائی دی شرح وچ کمی آئی اے۔
اوہناں نے آکھیا کہ بلوچستان وچ بنکاری دا 3سالہ منصوبا تیار کرن دی ہدایت کیتی اے۔ منصوبے دے تحت جدید بنکاری متعارف ہووے گی۔ بلوچستان اندر مختلف بنکاں دیاں 70نویاں برانچاں کھولن دی ہدایت کیتی اے۔ اشرف محمود نے آکھیا کہ نویاں برانچاں بنان نال 600توں 700نویاں اسامیاں پیدا ہون گیاں۔ سوانیاں نوں آسان شرطاں اُتے قرضے دِتے جان گے۔ بلوچستان بنک بنان لئی وزیر اعلا نال گل بات ہوئی اے۔ اوہناں نے آکھیا کہ جعلی نوٹاں دا مسئلا حل کرن لئی 30شہراں وچ نویاں مشیناں لان دا منصوبا اے۔ اشرف محمود نے آکھیا کہ کرنسی بدلن دا جامع منصوبا غور ہیٹھ اے۔ کرنسی بدلن دے منصوبے اُتے 1توں ڈیڈھ سال وچ عملدرآمد ہووے گا۔
