لاہور(پاکستان پوائنٹ نیوز21۔مارچ2017ء) پنجاب پولیس ولوں کالی وردی ختم کر کے نویں خاکی وردی جاری کر دِتی گئی، پاکستان دیہاڑ دے موقعے اُتے پولیس دا دستہ نویں وردی پا کے پریڈ وچ رلت کر ےگا۔ تفصیل دے مطابق پاکستان دیہاڑ دے موقعے تے اہلکار ہن نویں انداز وچ نظر آن گے، پنجاب پولیس نے کالی وردی ختم کر کے نویں خاکی وردی جاری کر دِتی اے، وردی وچ تبدیلی لوکائی اندر پولیس دے تشخص نوں بہتر بنان لئی کیتی گئی اے۔
ایس سلسلے وچ چار ہزار اہلکاراں نوں نویں وردی دے دِتی گئی اے جدکہ ہور اہلکاراں نوں پاکستان دیہاڑ تک نویں وردی دِتی جائے گی۔ پاکستان دیہاڑ اُتے پولیس دا دستہ نویں وردی پا کے ای پریڈ وچ رلت کرے گا۔ دوجے پاسے پولیس نے وی ایس تبدیلی نوں چنگا آکھدے ہوئے آکھیا اے کہ ڈاڈھی گرمی وچ کالے رنگ وچ بُہتی گرمی لگدی اے جدکہ نویں وردی وچ موسم دی شدت دا احساس گھٹ ہووے گا۔
