سپریم کورٹ نے سندھ ہائی کورٹ دا شرا ب ویچن اُتے پابندی دا فیصلا معطل کردتا

اسلام آباد(پاکستان پوائنٹ نیوز20۔مارچ2017ء) سپریم کورٹ نے سندھ ہائی کورٹ دا شراب ویچن اُتے پابندی دا فیصلا معطل کر دِتا، سندھ ہائی کورٹ نے 120شراب خانیاں اُتے پابندی لائی ہوئی سی۔ میڈیا رپورٹس دے مطابق سپریم کورٹ نے فیصلا سُناندے ہوئے قرار دِتا کہ 1979دے قانون تحت کارروائی ہونی چاہیدی جدکہ کیس نوں تن رکنی بنچ دے ساہمنے سنوائی لئی متھیا جائے۔ یاد رہوے کہ سندھ ہائی کورٹ نے 2مارچ نوں سندھ دے سارے شراب خانیاں نوں بند کرن دا حکم دیندے ہوئے سندھ حکومت نوں ہدایتاں جاری کیتیاں سن کہ 30دِناں وچ سٹیک ہولڈرز تے اقلیتاں نال رلکے کوئی لائحہ عمل بنایا جائے تاں جے شراب خانیاں نوں کُھولیا جا سکے۔