پی آئی اے دے کھانے توں سُنڈی نکل آئی

اسلام آباد(پاکستان پوائنٹ نیوز20۔مارچ2017ء) قومی ائر لائن دی اُڈان پی کے 207اندر دِتے جان والے کھانے وچوں سُنڈی نکل آئی، مسافر نے پی آئی اے انتظامیا اُتے خفگی دا وکھالا کردے ہوئے ویڈیو بنا لئی۔ تفصیل دے مطابق پی آئی اے دی عمرہ لئی جان والی اُڈان وچ مسافر اں دے کھانے اندروں سُنڈی نکل آئی۔جہدی مسافر نے ویڈیو بنا لئی۔ویڈیو وچ مسافر دا کہنا اے کہ ایہ پی آئی اے دی فلاٹ پی کے 207 اے، اُڈان دوران سانوں کھانا دتا گیا، پر جدوں میں بتھیرا کھانا کھالیا تے میری اچانک نظر اک سُنڈی اُتے پئی۔ میں پتا نہیں کنیاں سُنڈیاں کھا سی۔ کھانے وچ سُنڈی نوں ویکھ کے مسافر حیران رہ گئے ۔ مسافر دی گل بات توں انج لگدا اے کہ اوہ اپنے گروپ نال سعودی عرب عمرے لئی جا رہیا سی۔