پاک فوج دے دستے سعودی عرب گھلن دیاں خبراں بے بنیاد نیں: خواجا آصف

اسلام آباد(پاکستان پوائنٹ نیوز15۔مارچ2017ء) خواجا آصف دا کہنا اے کہ پاک فوج دے دستے سعودی عرب گھلن دیاں خبراں بے بنیاد نیں۔ تفصیل دے مطابق وزیر دفاع خواجا آصف نے کُجھ دن پہلے میڈیا اُتے چلن والیاں پاک فوج دے دستے سعودی عرب گھلن دیاں خبراں اُتے ردعمل دِتا اے۔ خواجا آصف نے ایس حوالے نال وضاحت کیتی اے کہ انج دیاں خبراں بے بنیاد نیں۔ پاکستان دا سعودی عرب نال 1992وچ اک سمجھوتا ہویا سی جہدے تحت سعودی وچ پاکستان دے اک ہزار فوجی موجود نیں پر ایس توں وکھ پاکستان نے پچھلے دِنا کسے قسم دا کوئی فوجی دستہ سعودی عرب نہیں گھلیا۔