پاکستان دیہاڑ دی پریڈ دے سکیورٹی انتظامات مکمل، وفاقی دارلحکومت وچ دفعہ 144نافذ

اسلام آباد(پاکستان پوائنٹ نیوز14۔مارچ2017ء) وفاقی دالحکومت وچ پاکستان دیہاڑ دی پریڈ پاروں دفعہ 144لا دِتی گئی اے۔ وسیلیاں دے مطابق پاکستان وچ ہر سال وانگ چالو ورھے وی پاکستان دیہاڑ منایا جائے گا۔ جہدے لئی پاک فوج نے پریڈ ’پاکستان زندا باد‘ دیاں تیاریاں شروع وی کر دِتیاں نیں۔ پاکستان دیہاڑ دی 23مارچ دی پریڈ نوں مُکھ رکھدے ہوئے جڑواں شہراں وچ دفعہ 144لا دِتی گئی اے۔ ضلعی انتظامیا تے ہسپتالاں دے عملے دیاں چھٹیاں رَد کر دِتیاں گئیاں، پریڈ گراﺅنڈ دے دوالے سکیورٹی دے 5حصار ہون گے۔ ہوٹلاں تے گیسٹ ہاﺅساں وچ رہن والے لوکاں دی پُن چھان کیتی جائے گی جدکہ اسلحے دی نمائش، کبوتر تے پتنگ بازی اُتے پابندی ہووے گی۔