جماعت الدعوة توں تعلق رکھن والے بندیاں دے ناں ای سی ایل وچ پان خلاف وزارت داخلا نوں لیگل نوٹس جاری

اسلام آباد(پاکستان پوائنٹ نیوز15۔فروری2017ء) جماعت الدعوة دے بندیاں دے ناں ای سی ایل وچ پان خلاف وزارت داخلا نوں لیگل نوٹس جاری کر دِتا گیا اے۔ وسیلیاں دے مطابق وزارت داخلا نوں لیگل نوٹس اے کے ڈوگر ایڈووکیٹ نے گھلیا اے۔ نوٹس وچ آکھیا گیا اے کہ جماعت الدعوة دے 142تعلیمی ادارے نیں، جہناں نوں مالی مسائل دا ساہمنا اے ایس لئی 38بندیاں دے ناں ای سی ایل توں کڈھے جان۔ یاد رہوے کہ حکومت نے اقوام متحدہ دی قرار داد اُتے عمل کردے ہوئے جماعت الدعوة دے سربراہ حافظ سعید سنے 38بندیاںنوں نظر بند کردے ہوئے ناں ای سی ایل وچ پا دِتے نیں۔