اسلام آباد(پاکستان پوائنٹ نیوز15۔فروری2017ء) وفاقی حکومت نے پٹرول تے ڈیزل دیاں قیمتاں وچ اک اک رُپئے وادھے دا اعلان کر دِتا اے، پٹرولیم وستاں دیاں نویاں قیمتاں دا اطلاق اج رات 12وجے توں بعد ہووے گا۔ وسیلیاں دے مطابق وزارت خزانا نے پٹرولیم وستاں دیاں قیمتاں وچ وادھے لئی اوگرا دی سمری نوں نظر وچ رکھدے ہوئے پٹرول، ڈیزل تے ہائی سپیڈ ڈیزل دیاں قیمتاں وچ اک، اک رُپئے وادھے دا اعلان کر دِتا اے۔
اوگرا نے وزارت پٹرولیم نوں پٹرولیم وستیاں دیاں قیمتاں وچ 16رُپئے 71پیسے وادھے دی سمری گھلی سی پر وفاقی حکومت نے لائٹ ڈیزل تے مٹی دے تیل دی قیمت نوں برقرار رکھدے ہوئے پٹرول، ڈیزل تے ہائی سپیڈ دی قیمت وچ اک اک رُپئے وادھے دا اعلان کر دتا اے۔ پٹرولیم وستاں دیاں قیمتاں وچ وادھے دا اعلان وفاقی وزیر خزانا نے کیتا۔
