لاہور(پاکستان پوائنٹ نیوز28۔جنوری2017ء) پنجاب سرکار نے صوبائی راجدھانی دے ڈھائی سو مقاماں اُتے مفت وائی فائی دی سہولت دے دِتی، ویڈیو سٹریمینگ تے ڈاﺅن لوڈ اُتے پابندی ہووے گی۔ تفصیل دے مطابق پنجاب انفارمیشن ٹیکنالوجی بورڈ نے لاہور شہر دے ڈھائی سو مقاماں اُتے وائی فائی راﺅٹرز لا دِتے نیں۔جہدے تحت یونیورسٹیز، میٹرو بس سٹیشن، ریلوے سٹیشن تے ہوائی اڈیاں سنے شہر دیاں اہم تھاواں اُتے لوک مفت وائی فائی سروس توں فائدا چُک سکن گے۔
پنجاب انفارمیشن ٹیکنالوجی بورڈ دے چیئرمین ڈاکٹر عمر سیف دا کہنا اے کہ چھیتی ای ایس سروس نوں دوجے شہراں تک اپڑایا جائے گا۔ ایس سہولت دے چنگے نتیجیاں نوں یقینی بنان لئی پنجاب انفارمیشن ٹیکنالوجی بورڈ نے ویڈیو سٹریمینگ تے ڈاﺅن لوڈ اُتے پابندی لائی اے۔
