لاہور(پاکستان پوائنٹ نیوز01۔فروری2017ء) پنجاب اسمبلی وچ اووبر تے کریم ٹیکسی سروس اُتے پابندی بارے بحث ہوئی۔ ایس حوالے نال پنجاب اسمبلی وچ پی ٹی آئی دے رکن مرادراس نے نجی ٹی وی چینل نال گل بات کردے ہوئے آکھیا کہ حکومت لوکائی دیاں سہولتاں لئی کم کرن والیاں کمپنیاں نوں بغیر وجہ دے بند کر رہی اے۔ اوہناں نے آکھیا کہ پنجاب حکومت انج کیویں کر سکدی اے کیونکہ اوہ ترکی دی اک ٹیکسی کمپنی ’البراق‘ نوں پروموٹ کرن دی خاہشمند اے۔
اوہناں نے آکھیا کہ ’البراق‘ نوں پروموٹ کرن نال اوہناں نوں شیئر مل رہیا اے جدکہ اووبر تے کریم ٹیکسی کمپنیاں توں اوہناں نوں کوئی مالی فائدا حاصل نہیں ہوندا جہدی وجہ توں ایہناں کمپنیاں نوں بند کرن دا فیصلا کیتا گیا اے۔ اوہناں نے حکومت نوں تنقید دا نشانا بناندے ہوئے آکھیاکہ حکومت نے بیان دِتا کہ ٹیکسی کمپنیاں نوں سکیورٹی وجھاں پاروں بند کیتا جا رہیا اے جدکہ سچ تے ایہ اے کہ جو کمپنیاں وی حکومتی نمائندیاں دیاں جیباں نہیں بھر رہیاں ایہ لوک اوہنوں سکیورٹی رسک قرار دے دیندے نیں۔ اوہناں نے ہور کیہ آکھیا تُسیں وی سنو!
