حیدر آباد(پاکستان پوائنٹ نیوز19۔مئی2018ء ) حیدر آباد وچ دل ہلا دین والا واقعہ ساہمنے آیا اے ۔سوانی نے پیسیاں دے لالچ وچ اپنے خاوند نال رلکے اپنی بھرجائی نوں قتل کر دتا۔ میڈیا رپورٹ مطابق حیدر آباد دی رہائشی اک ظالم سوانی نے پیسیاں دے لالچ وچ اپنے شوہر نال رلکے اپنی بھرجائی نوں قتل کر دے ہوئے لاش دے ٹوٹے کر کے نہر وچ سُٹ دتے۔ ایس ایس پی حیدر آباد پیر محمد شاہ نے ایس معاملے اُتے بریفنگ دیندی ہوئے دسیا کہ تھانا بلدیہ وچ ویاہی ہوئی حنا دے گواچن دی رپورٹ درج ہوئی۔
15مئی نوں پنجابی نہر توں گواچن والی کُڑی حنا دا سر لبھا۔ حنا دا سبر لبھن دی خبر نے اوہدے گھر والیاں اُتے قیامت ڈھا دتی۔ حنا دے والد نے شک ظاہر کیتا کہ حنا دے قتل وچ حنا دا شوہر تے بھنویا ملوث نیں۔ پولیس نے حنا دی ننان تے اوہدے خاوند نوں سد کے تفتیش کیتی تے دواں نے پولیس ساہمنے جرم قبول کر لیا۔ مجرماں نے جرم قبول کردے ہوئے پولیس نوں دسیا کہ اوہناں نے پہلے حنا دا گلا گھٹیا تے ساہ بند ہون اُتے حنا دی لاش دے ٹوٹے کر کے نہر وچ سُٹ دتے۔ مجرماں دا کہنا سی کہ حنا دی لاش دے ٹوٹے باتھ روم وچ لیجا کے کیتے۔ دوجے پاسے پولیس نے مجرماں دا تن دناں ریمانڈ لے لیا اے۔
