تلا گنگ(پاکستان پوائنٹ نیوز19۔مئی2018ء ) تلا گنگ وچ حیوانیت دی نویں مثال قائم ہو گئی۔ میڈیا رپورٹ مطابق تلا گنگ دے رہائشی اک بندے نے مقروض بندے نوں موت مگروں وی نہ بخشیا تے قرض واپس نہ کرن دا انوکھا بدلا لے لیا۔ تلا گنگ شہر وچ دُکھ بھریا واقعہ ساہمنے آیا اے ،جتھے اک 60ورھیاں دا شہری قرض دین توں پہلاں ای فوت ہو گیا تے قرض خواہ نے اوہدے توں بدلا لین لئی ساتھیاں سنے اوہدی لاش نوں سوٹیاں ماریاں۔
قرض لین والے نے میت نوں جنازہ پڑھن لیجان توں پہلاں روکن دی وی کوشش کیتی۔ فوت ہون والے مقروض بندے دے پُتر نے ملزماں خلاف پولیس نوں رپورٹ درج کروا دتی اے۔ علاقہ واسیاں نے وی ایس واقعے اُتے دُکھ دا وکھالا(اظہار) کیتا اے۔ پولیس دا کہنا اے کہ ملزماں دی بھال(تلاش) جاری اے پر اجے تیکر ملزم فرار نیں۔ مقروض بند ے دی میت اُتے سوٹیاں مارن دے واقعے اُتے سوشل میڈیا ورتیندڑاں نے وی ہرکھ دا وکھالا کیتا اے۔ ورتیندڑاں نے سوٹیاں مارن والے ملزما ں نوں سخت سزا دین دا مطالبہ کیتا اے۔
