ساہیوال(پاکستان پوائنٹ نیوز14۔اپریل2018ء) 40ہزار لیٹر تیل لے کے جان والا آئل ٹینکر ڈرائیور دی اکھ لگن دی وجہ توں فٹ پاتھ نال ٹکر کھا کے اُلٹ گیا۔ تفصیل مطابق عارف والا ساہیوال روڈ اُتے چک نمبر 101/9Lنیڑے 40ہزار لیٹر تیل لے کے جان والا آئل ٹینکر ڈرائیور دی اکھ لگن دی وجہ توں فٹ پاتھ نال ٹکر کھا کے اُلٹ گیا۔ ٹینکر اُلٹن دے نتیجے وچ اوہدے وچوں تیل چونا شروع ہو گیا ۔
پولیس نے موقعے تے اپڑ کے دوویں پاسیاں دی ٹریفک بند کر دتی تے پورے علاقے نوں سیل کر دے ہوئے آل دوال دے واسیاں توں گھر خالی کروا لئے۔ جیہدے مگروں اک کرین منگوا کے دو خالی آئل ٹینکر وچ تیل دی بھرائی کیتی گئی ۔ آخیر 10گھنٹے تیکر معطل رہن والی ٹریفک نوں بحال کر دتا گیا۔ آئل ٹینکر نمبر TLK/335وہاڑی توں ساہیوال آ رہیا سی کہ حادثے دا شکار ہو گیا پر ڈرائیور اجے تیکر گرفتار نہیں ہو سکیا۔
